दहशत माजवणारा गुंड टिपू पठाण याची लाखो रुपयांची मालमत्ता उघड ; अवैध बांधकामावर फिरला बुलडोजर…

पुणे : काळेपडळ पोलिसांनी हडपसर परिसरात दहशत माजवणाऱ्या कुख्यात गुंड टिपू पठाण आणि त्याच्या टोळीवर मोठी कारवाई करत लाखो रुपयांच्या मालमत्तेचा पर्दाफाश केला आहे. गुंडगिरी व अवैध मार्गाने संपत्ती मिळवल्याप्रकरणी पठाण व त्याच्या साथीदारांवर महाराष्ट्र संघटित गुन्हेगारी नियंत्रण कायदा (मोक्का) अंतर्गत गुन्हा दाखल करण्यात आला होता.

सदर गुन्हा काळेपडळ पोलीस स्टेशन गु.र.नं. 100/2025 भा.न्या.स. कलम 308(2), 329(3), 351(2), 352, 189(1), 189(2), 191(2), 61(2), 111 तसेच मोक्का कलम 3(1)(II), 3(2), 3(4), 23(1)(A) प्रमाणे नोंदवण्यात आला होता. या गुन्ह्याचा तपास सहाय्यक पोलीस आयुक्त, वानवडी विभाग यांच्या मार्गदर्शनाखाली सुरू आहे.

तपासादरम्यान टिपू पठाण व त्याच्या टोळीने अवैध मार्गाने लाखो रुपयांची मालमत्ता कमावल्याचे समोर आले. यानंतर पोलिसांनी पठाणच्या नावावर असलेली एक इनोव्हा कार, तीन दुचाकी वाहने आणि सय्यदनगर परिसरातील अनाधिकृत कार्यालयाचे बांधकाम यावर कारवाई करत महानगरपालिकेच्या मदतीने बुलडोजर फिरवला.

घरझडतीदरम्यान पोलिसांना विविध जागेची कागदपत्रे, सोन्याचे दागिने आणि महागड्या वस्तू मिळाल्या आहेत. या कारवाईमुळे परिसरातील नागरिकांमध्ये समाधानाची भावना निर्माण झाली आहे.

ही कारवाई पोलीस उप आयुक्त राजकुमार शिंदे (परिमंडळ ५) यांच्या मार्गदर्शनाखाली सहाय्यक पोलीस आयुक्त धन्यकुमार गोडसे, वरिष्ठ पोलीस निरीक्षक मानसिंग पाटील, पो.नि. अमर काळंगे यांच्या सूचनेनुसार करण्यात आली. पथकात सहाय्यक पोलीस निरीक्षक अमित शेटे, पो.हवा. प्रविण काळभोर, दाऊद सय्यद, प्रतिक लाहिगुडे, विशाल ठोंबरे, शाहीद शेख, लक्ष्मण काळे, अतुल पंधरकर, नितीन ढोले, सद्दाम तांबोळी, प्रदीप बेडीस्कर आणि महादेव शिंदे यांनी सहभाग घेतला.

या प्रशंसनीय कारवाईबद्दल काळेपडळ पोलिसांचे सर्वत्र कौतुक होत आहे.

Editer sunil thorat