हवेली तालुक्यात भाजपाला बळकटी देण्यासाठी शेकडो कार्यकर्त्यांची घरवापसी, मुंबईत भाजपा प्रदेशाध्यक्ष रवींद्र चव्हाण यांच्या उपस्थितीत पक्षप्रवेश ; चित्तरंजन गायकवाड यांच्या नेतृत्वाखाली हवेलीतील मोठा जाहीर प्रवेश…
मुंबई : दि. 14 ऑक्टोबर हवेली तालुक्यात कदमवाकवस्ती परिसरात भारतीय जनता पक्षाला अधिक बळकटी मिळावी, या उद्देशाने मोठ्या उत्साहात आणि शिस्तबद्ध पद्धतीने शेकडो कार्यकर्त्यांची “घरवापसी” झाली. मुंबई येथील भाजपा प्रदेश कार्यालयात पार पडलेल्या या भव्य कार्यक्रमात चित्तरंजन गायकवाड यांच्यासह अनेक पदाधिकारी, लोकप्रतिनिधी आणि कार्यकर्त्यांनी औपचारिकरित्या भारतीय जनता पक्षात प्रवेश केला.
या कार्यक्रमास भारतीय जनता पक्षाचे प्रदेशाध्यक्ष रवींद्र चव्हाण, आमदार राहुल कुल आणि भाजपा पुणे जिल्हाध्यक्ष प्रदीप कंद यांची प्रमुख उपस्थिती होती. त्यांच्या हस्ते सर्वांचा पक्षप्रवेश करण्यात आला. उपस्थित मान्यवरांनी सर्व कार्यकर्त्यांचे मनःपूर्वक स्वागत करत भविष्यात हवेली तालुक्यात भाजपाचे संघटन अधिक मजबूत करण्याचे आवाहन केले.
चित्तरंजन गायकवाड यांच्या नेतृत्वाखाली भव्य पक्षप्रवेश…
हा जाहीर पक्षप्रवेश लोकनियुक्त सरपंच तसेच नवपरीवर्तन फाऊंडेशनचे संस्थापक अध्यक्ष आणि कदमवाकवस्ती ग्रामपंचायत पॅनल प्रमुख चित्तरंजन गायकवाड यांच्या नेतृत्वाखाली पार पडला. त्यांच्या संघटित आणि विकासाभिमुख नेतृत्वाखाली हवेली तालुक्यातील अनेक गावांतील कार्यकर्त्यांनी पुन्हा भाजपात घरवापसी केली.
चित्तरंजन गायकवाड यांच्या नेतृत्वामुळे या प्रवेशाला विशेष महत्त्व प्राप्त झाले असून, त्यांच्या सक्रिय सामाजिक कार्यामुळे पक्षात नवचैतन्य निर्माण झाले आहे.
प्रमुख पदाधिकारी आणि लोकप्रतिनिधींचा सहभाग…
या पक्षप्रवेश सोहळ्यात हवेली तालुक्यातील अनेक प्रतिष्ठित लोकप्रतिनिधी, पदाधिकारी आणि कार्यकर्त्यांनी सहभागी होत पक्षाचा झेंडा हाती घेतला.
या वेळी पक्षप्रवेश करणाऱ्यांमध्ये प्रमुख नावे अशी माजी पंचायत समिती सदस्य गौरी चित्तरंजन गायकवाड, उपसरपंच कदमवाकवस्ती नासिरखान पठाण, विद्यमान ग्रामपंचायत सदस्य आकाश काळभोर, कोमल काळभोर, सिमिता लोंढे, बिना काळभोर, राजश्री काळभोर, मंदाकिनी नामुगडे, अविनाश बडदे, स्वप्नेश कदम, सोनाबाई शिंदे, सलीमा पठाण, माजी ग्रामपंचायत सदस्य रुक्मिणी चांदणे, वसुधा केमकर, रमेश कोतवाल, माधुरी काळभोर, अशोक शिंदे, राणी बडदे, तंटामुक्ती अध्यक्ष अभिजित बडदे, माजी तंटामुक्ती अध्यक्ष विकास कदम. यासोबतच विविध प्रभागांतील सुमारे 100 कार्यकर्त्यांनी भारतीय जनता पक्षात प्रवेश करून पक्षाच्या विकासवादी कार्यात सहभागी होण्याचा निर्धार केला.
विकासवादी विचारधारा आणि संघटनाबद्दल विश्वास व्यक्त…
या प्रसंगी मी बोलताना सांगितले की,
“भाजपाच्या विकासाभिमुख आणि राष्ट्रहिताच्या विचारधारेवर माझा पूर्ण विश्वास आहे. पुन्हा एकदा पक्षात सक्रियपणे काम करण्याची संधी मिळाल्याने मला अत्यंत आनंद होत आहे. हवेली तालुक्यात भारतीय जनता पक्षाला पहिल्या क्रमांकावर आणण्यासाठी मी आणि माझे सर्व सहकारी पूर्ण ताकदीने प्रयत्न करू.”
तसेच, कार्यकर्त्यांमध्ये नवचैतन्य निर्माण करून गावागावात पक्षाची विचारधारा पोहोचविण्याचा निर्धारही व्यक्त केला.
प्रदेश नेत्यांचा गौरव आणि प्रोत्साहन…
प्रदेशाध्यक्ष रवींद्र चव्हाण यांनी या प्रसंगी बोलताना हवेली तालुक्यातील कार्यकर्त्यांचे कौतुक करत सांगितले की,
“भाजपात कार्य करण्यासाठी समर्पण आणि संघभावना आवश्यक आहे. हवेली तालुक्यातील कार्यकर्त्यांनी संघटन बांधणीची उत्तम परंपरा निर्माण केली आहे. आगामी काळात पक्ष अधिक मजबूत करण्यासाठी आपण सर्वजण एकत्रितपणे काम करणार आहोत.”
आमदार राहुल कुल यांनी या घरवापसीला “हवेलीतील भाजपासाठी नवा उर्जा स्रोत” असे संबोधले, तर जिल्हाध्यक्ष प्रदीप कंद यांनी “स्थानिक पातळीवरील संघटन विस्ताराला चालना देणारा हा ऐतिहासिक क्षण” असे प्रतिपादन केले.
कार्यक्रमात मोठी गर्दी, उत्साही वातावरण…
पक्षप्रवेश सोहळ्याला मुंबई व पुणे जिल्ह्यातील अनेक पदाधिकारी, कार्यकर्ते आणि समर्थक मोठ्या संख्येने उपस्थित होते. कार्यक्रमस्थळी घोषणांनी आणि उत्साहाने परिसर दुमदुमून गेला होता. नव्याने प्रवेश करणाऱ्या कार्यकर्त्यांना ओळखपत्र, झेंडा आणि पक्षाचा पट्टा प्रदान करण्यात आला. कार्यक्रमानंतर सर्वांनी एकत्रित छायाचित्र घेऊन “विकासासाठी भाजपाशी निष्ठा” असा निर्धार व्यक्त केला.
पक्षविस्ताराला मिळाली नवी दिशा…
या मोठ्या घरवापसीमुळे हवेली तालुक्यात भारतीय जनता पक्षाची संघटनात्मक ताकद आणखी वाढली असून, स्थानिक पातळीवरील पुढील निवडणुकांसाठी ही घरवापसी निर्णायक ठरेल, असा विश्वास प्रदेश व जिल्हा नेतृत्वाने व्यक्त केला आहे.
Editer sunil thorat
