अश्लील हावभाव, पाठलाग करून विनयभंग, हस्तमैथुन केल्याप्रकरणी अटक ; एका तासात लोणी काळभोर पोलिसांनी आवळल्या मुसक्या…
तुळशीराम घुसाळकर / हवेली
पुणे (हवेली) : लोणी काळभोर येथील एका शैक्षणिक संकुलात शिक्षण घेत असलेली विद्यार्थिनी जेवणाचा डबा आणण्यासाठी निघाली होती. तिचेसमोर अश्लील हावभाव करून हस्तमैथुन केल्याप्रकरणी लोणी काळभोर पोलिसांनी अवघ्या एक तासाच्या आत अटक केली आहे.
सदर घटना कदमवाकवस्ती ग्रामपंचायत हद्दीत सोमवार (२० जानेवारी) रोजी रात्री आठ वाजण्याच्या सुमारास घडली आहे. याप्रकरणी २० वर्षीय विद्यार्थिनीने दिलेल्या फिर्यादीवरून रणजीत सुधाकर विभुते (वय २६, रा. रमणबाग सोसायटी, नायगाव रोड, कुंजीरवाडी ता. हवेली, पुणे) याला अटक करण्यात आली आहे. त्याला न्यायालयात हजर केले असता, न्यायालयाने आरोपीला दोन दिवसांची पोलिस कोठडी सुनावणी आहे.
पोलिसांनी दिलेल्या माहितीनुसार, फिर्यादी तरुणी ही लोणी काळभोर परिसरातील एका शैक्षणिक संकुलात शिक्षण घेत आहेत. ती कदमवाकवस्ती परिसरातील एका वसतिगृहात राहते. तिने त्याच परिसरात जेवणाची खानावळ लावली आहे. सोमवारी विद्यार्थिनी मैत्रिणीसोबत नेहमीप्रमाणे जेवणाचा डबा आणण्यासाठी रात्री आठ वाजण्याच्या सुमारास निघाली होती. तेव्हा विभुते हा त्या दोघींकडे पाहून पॅन्ट खाली घेवुन हस्तमैथुन करू लागला. तसेच अश्लील हावभाव करीत विद्यार्थिनींच्या मनात लज्जा उत्पन्न होईल असे कृत्य करू लागला. त्यानंतर त्याने घाणेरडे शब्दोच्चार करुन अंगावर धावून जात पाठलाग करून विद्यार्थिनींचा विनयभंग केला.
याप्रकरणी विद्यार्थिनीने लोणी काळभोर पोलीस ठाण्यात फिर्याद दिली. त्यानुसार विभुते यांच्या विरोधात गुन्हा दाखल करण्यात आला. गुन्हा दाखल करण्यात आल्यानंतर लोणी काळभोर पोलिसांनी आरोपीला एका तासाच्या आत मोठ्या शिताफीने बेड्या ठोकल्या आहेत. रणजीत विभुते याच्यावर वानवडी पोलीस ठाण्यात भारतीय दंड विधायक कलम 279, 337 यांच्यासह मोटर वाहन कायद्यान्वये सन 2019 साली गुन्हा दाखल आहे. त्याला लोणी काळभोर पोलिसांनी अटक केल्यानंतर पुणे जिल्हा व सत्र न्यायालयात हजर केले असता, न्यायालयाने आरोपीला दोन दिवसांची पोलिस कोठडीत रिमांड सुनावली आहे.
ही कामगिरी लोणी काळभोर पोलीस ठाण्याचे वरिष्ठ पोलिस निरीक्षक राजेंद्र पन्हाळे यांच्या मार्गदर्शनाखाली पोलिस उपनिरीक्षक सर्जेराव बोबडे, पोलिस उपनिरीक्षक उदय काळभोर, पोलिस हवालदार योगेश कुंभार, तेजस जगदाळे, पोलिस अंमलदार अजिंक्य जोजारे व तुकाराम येडे यांच्या पथकाने केली आहे.
