कदमवाकवस्ती (पुणे) : सामाजिक जबाबदारी आणि मानवतेच्या भावनेतून प्रेरणा घेऊन साईकृष्ण प्युअर व्हेज या केटरिंग सेवेमार्फत लोणी काळभोरमधील संभाजी नगर, कदमवाक वस्तीमध्ये एक अनोखा सामाजिक उपक्रम राबविला जात आहे.
या उपक्रमाचे मुख्य उद्दिष्ट आहे रुग्ण व त्यांच्या नातेवाईकांसाठी दररोज अन्नदान करणे, ओंकार परशुराम कुलकर्णी हे समाजकार्य करत असून, त्यांच्या पत्नी ओवी कुलकर्णी यांनी देखील या सेवेत महत्वाचा हातभार लावला आहे.
दररोज साई खिचडी – प्रेम व करुणेचा प्रसाद…
या उपक्रमात दररोज चार ते पाच किलो साई खिचडी तयार करून ती ससून हॉस्पिटलमध्ये रुग्ण व त्यांच्या नातेवाईकांना विनामूल्य वाटली जाते. हे व्यवसाया पलीकडील समाज कार्य असून केवळ पोषणापुरतेच नव्हे, तर मनुष्यतेची सेवा व प्रेमाचा संदेश यासाठीही ही खिचडी बनवली जाते. ओवी कुलकर्णी दररोज प्रेमाने ही खिचडी तयार करतात आणि आपल्या कृतीतून “सेवाच खरा धर्म” हा संदेश पोहोचवतात. या उपक्रमाचे व्हिडिओ आणि माहिती पाहण्यासाठी, त्यांचा Instagram पेज पाहता येईल : @saikrishnaveg
व्यवसायातून सामाजिक सेवेपर्यंतचा प्रवास…
साईकृष्ण प्युअर व्हेज ही केटरिंग सेवा फक्त व्यावसायिक उद्देशासाठी नाही तर अन्नदान व सामाजिक सेवेसाठी उभी केलेली आहे. संस्थेचा हा उपक्रम परिसरातील नागरिकांसाठी प्रेरणादायी ठरला असून, या कार्याची समाजात मोठी दखल घेतली जात आहे.
ओंकार कुलकर्णी यांनी सांगितले की,
“व्यवसाय करत असतानाही आपण समाजासाठी काहीतरी करणे आवश्यक आहे. रुग्ण आणि त्यांचे नातेवाईक जे अडचणीत आहेत, त्यांना मदत करणे हेच आपले मुख्य कर्तव्य आहे.”
सामाजिक संदेश…
अन्नदानाला “सर्वश्रेष्ठ दान” म्हटले जाते. साईकृष्ण प्युअर व्हेज चा हा उपक्रम सच्ची सेवा व मानवतेच्या मूल्यांचे प्रतीक आहे.
रुग्णालयातील रुग्ण व त्यांच्या कुटुंबियांच्या चेहऱ्यावर हास्य आणणारा हा उपक्रम समाजासाठी प्रेरणास्त्रोत ठरला आहे.
संपूर्ण परिसरात या उपक्रमाचे मोठे कौतुक होत असून, लोकांना सामाजिक जबाबदारी, प्रेम आणि दयाळूपणाचे महत्व समजावते.
👉🏻दररोज ४–५ किलो साई खिचडी…
👉🏻विनामूल्य वाटणी ससून हॉस्पिटलमध्ये
👉🏻मुख्य हातभार – ओंकार परशुराम कुलकर्णी आणि पत्नी ओवी कुलकर्णी
👉🏻सामाजिक संदेश – “सेवाच खरा धर्म”
Instagram वर व्हिडिओ व माहिती: @saikrishnaveg
Editer Sunil thorat
