वार्ताहर – सिताराम बवले
वडगाव घेनंद, : ग्रामीण भागातील महिलांच्या आर्थिक सक्षमीकरणाला चालना देण्यासाठी उमेद अभियानांतर्गत स्वामिनी महिला ग्रामसंघ, वडगाव घेनंद अंतर्गत कार्यरत 9 महिला बचत गटांना एकूण 11 लाख 70 हजार रुपयांचा कम्युनिटी इन्व्हेस्टमेंट फंड (CIF) गुरुवार (दि. 18 जून 2026) रोजी वितरित करण्यात आला.
हा निधी वितरण कार्यक्रम उमेद रणरागिणी महिला प्रभागसंघाच्या माध्यमातून आयोजित करण्यात आला होता. कार्यक्रमास ग्रामविकास अधिकारी वाडेकर मॅडम, ग्रामसंघाच्या पदाधिकारी तसेच ग्रामसखी नूतन बवले यांची प्रमुख उपस्थिती होती.
यावेळी विविध महिला बचत गटांना त्यांच्या उपजीविका व स्वयंरोजगार उपक्रमांसाठी निधी प्रदान करण्यात आला. श्री स्वामी समर्थ, मातोश्री, प्रेरणा, जागृती, साईसिद्धी, संघमित्रा आणि जय भवानी माता या सात बचत गटांना प्रत्येकी 1 लाख 50 हजार रुपये, तर धम्मशील व तुळजाभवानी महिला बचत गटांना प्रत्येकी 60 हजार रुपयांचा CIF निधी मंजूर करण्यात आला.
निधी प्राप्त बचत गट व रक्कम :
श्री स्वामी समर्थ महिला बचत गट – ₹1,50,000
मातोश्री महिला बचत गट – ₹1,50,000
प्रेरणा महिला बचत गट – ₹1,50,000
जागृती महिला बचत गट – ₹1,50,000
साईसिद्धी महिला बचत गट – ₹1,50,000
संघमित्रा महिला बचत गट – ₹1,50,000
जय भवानी माता महिला बचत गट – ₹1,50,000
धम्मशील महिला बचत गट – ₹60,000
तुळजाभवानी महिला बचत गट – ₹60,000
एकूण निधी : ₹11,70,000
या निधीमुळे महिला बचत गटांच्या आर्थिक प्रगतीला गती मिळणार असून स्वयंरोजगार, लघुउद्योग, पशुपालन, शेतीपूरक व्यवसाय आणि विविध उपजीविका उपक्रमांना बळकटी मिळणार आहे. ग्रामीण महिलांना आर्थिकदृष्ट्या स्वावलंबी बनविण्यासाठी उमेद अभियानांतर्गत राबविण्यात येणारे असे उपक्रम अत्यंत महत्त्वपूर्ण ठरत असल्याचे उपस्थित मान्यवरांनी यावेळी सांगितले.
कार्यक्रमाच्या यशस्वी आयोजनासाठी ग्रामसंघ पदाधिकारी, ग्रामसखी तसेच सर्व महिला बचत गट सदस्यांनी विशेष परिश्रम घेतले. या निधी वाटपामुळे परिसरातील महिला सक्षमीकरणाच्या चळवळीला नवी ऊर्जा मिळाल्याची भावना उपस्थितांनी व्यक्त केली.
Editer sunil thorat
