लोणीकंद, (दि.३०) : कै. शुभम अनिल मगर यांच्या जयंतीनिमित्त लोणीकंद जिल्हा परिषद प्राथमिक शाळा, मगरवस्ती येथे सामाजिक बांधिलकी जपत विविध लोकोपयोगी उपक्रमांचे आयोजन करण्यात आले. या उपक्रमांतर्गत शाळेतील विद्यार्थ्यांना खाऊ व शालेय साहित्याचे वाटप करण्यात आले. तसेच विद्यार्थ्यांच्या आधुनिक शिक्षणासाठी आवश्यक असलेला संगणक संच, प्रिंटर आणि शाळेच्या उपयोगासाठी धान्य साठवण्याची कोठी भेट स्वरूपात देण्यात आली.
हा उपक्रम प्रदीप दादा कंद युवा मंच व मित्रपरिवार यांच्या वतीने आयोजित करण्यात आला होता. ग्रामीण भागातील विद्यार्थ्यांना दर्जेदार शिक्षणासाठी आवश्यक सुविधा उपलब्ध करून देण्याच्या उद्देशाने हा उपक्रम राबविण्यात आला. शाळेला मिळालेल्या संगणक संचामुळे विद्यार्थ्यांना डिजिटल शिक्षणाची संधी मिळणार असून, शैक्षणिक साहित्याच्या वाटपामुळे विद्यार्थ्यांमध्ये शिक्षणाबाबत उत्साह निर्माण झाला.
कार्यक्रमाच्या प्रारंभी कै. शुभम अनिल मगर यांच्या प्रतिमेस पुष्पयावेळी लोणीकंद गावचे उपसरपंच अतुल मगर, सुनील मगर, ओंकार मगर, सचिन काळभोर, शिवानीताई काळभोर, विनोद मगर, अक्षय मगर, सखाराम घाडगे, प्रदीप मगर, अंकुश मगर, सौरभ मगर, संगम मगर, प्रवीण शेळके, अभय शिंदे, धनराज पटेल यांच्यासह शालेय शिक्षण समितीचे अध्यक्ष विजयराव कंद, मुख्याध्यापिका विद्याताई जाधव, शिक्षकवृंद, ग्रामस्थ आणि प्राथमिक शाळेतील विद्यार्थी मोठ्या संख्येने उपस्थित होते. हार अर्पण करून अभिवादन करण्यात आले. त्यांच्या सामाजिक कार्याच्या स्मृती जागवत समाजोपयोगी उपक्रमातून त्यांना आदरांजली वाहण्यात आली.
यावेळी लोणीकंद गावचे उपसरपंच अतुल मगर, सुनील मगर, ओंकार मगर, सचिन काळभोर, शिवानीताई काळभोर, विनोद मगर, अक्षय मगर, सखाराम घाडगे, प्रदीप मगर, अंकुश मगर, सौरभ मगर, संगम मगर, प्रवीण शेळके, अभय शिंदे, धनराज पटेल यांच्यासह शालेय शिक्षण समितीचे अध्यक्ष विजयराव कंद, मुख्याध्यापिका विद्याताई जाधव, शिक्षकवृंद, ग्रामस्थ आणि प्राथमिक शाळेतील विद्यार्थी मोठ्या संख्येने उपस्थित होते.
उपस्थित मान्यवरांनी या उपक्रमाचे कौतुक करत अशा सामाजिक कार्यातून विद्यार्थ्यांना प्रेरणा मिळत असल्याचे सांगितले. शाळेला मिळालेल्या संगणक, प्रिंटर व इतर साहित्यामुळे विद्यार्थ्यांच्या शैक्षणिक प्रगतीला निश्चितच चालना मिळेल, असा विश्वास व्यक्त करण्यात आला.
कार्यक्रमाच्या शेवटी आयोजकांनी कै. शुभम अनिल मगर यांच्या स्मृती जपत भविष्यातही समाजहिताचे व शैक्षणिक क्षेत्राला बळ देणारे विविध उपक्रम सातत्याने राबविण्याचा संकल्प व्यक्त केला. उपस्थितांनी आयोजकांचे अभिनंदन करून या उपक्रमाला उत्स्फूर्त प्रतिसाद दिला.
Editer sunil thorat
